“Marhaposan tu Jahowa”
1. Hea do sahalak pangkail dengke marsolu tingki kabut. Di lugahon ma soluna on sian sada inganan tu inganan na asing mangalului dengke. alai dang nanggo sada dengke, bahkan dais tu umpan ni kail on pe dang adong. Alani, marsangkap ma ibana mulak, di luga ma soluna on hira-hra sajam lelengna, sahat tu sada mulut teluk na metmet, hape diingot ibana, teluk on berseberangan dohot tempat na menginap, alani diputar ma haluan, dilugahon ma torus, lurus, hape mulak muse ibana tu baba ni teluki. Bingung ma ibana, ai dang diboan kompas, didok ma di rohana, dang boi hape marpangunsandeaan tu tu feeling dohot pangantusion sandiri mangalului dalan di situasi na holom ala kabut sisongonon, ninna rohana. Gabe huingot ma hata ni bibel na mandok, ‘unang marpangunsandean tu dirim sandiri’ (Poda 3, 5). Alai ingkon marpangunsadean ma hita tu panuturion ni Tondi.
2. Di pardalananta pe olo do ro alogo, kabut dohot angka galumbang na maol ta adopi, apalagi di na mamuhai taon hita, na godang dang haantusan hita diperekonomian, keamanan beribadah dohot keamanan tinggal di negara ta on. Boi do lilu hita, jala mulakhulak so tontu tujuan, alani, songon poda on didok do, nang malo hita, nang parbisuk hita ninna rohanta, unang tahaposi pingkiranta, alai Tatiop ma Jahowa, jala tahaposi di angka dalanta, asa malua hita. Ido asa didok, di ay 6, unang dirinta alai Ibana ma tatanda di nasa dalanta.
3. Terbatas do pangantusionta, dang mampu hita mangalangka salangka na ture ia so didongani jala diuluhon Jahowa di pardalanan naso jelas dope di ari na naeng ro.
4. Hea do adong na manungkun, na asing do haporseaon dohot pangantusion, naso adong do hadomuan ni i? Na so boi do halak na porsea malo? Na ateis do angka na malo, jala halak kristen angka na oto do i, na so marlogika, naso mamangke pangatusion dohot akal? Dang i naeng dohonon ni turpuk on, alai jotjot do hita gumodang mangasahon/mamaengke pingkiran sandiri sian manghaporseai Debata di pardalanan ni ngolunta, ala hira na so mungkin tahilala masa i molo di luar ni logika.
5. Ido hea sahalak dosen, tingki dipangido gabe dosen pengganti mangganti donganna ibana, dang olo ala dirimpu sian dirina ilmu nai, jala sude na adong diibanan diparetonghon marhite untung rugi. Parbinotoanna i gabe hepeng do diida, dang be pasupasu jala talenta na ingkon dikembangkan laho pasangap na mangalehon hamaloon i, jala mangurupi donganna. Dang diantusi kerja sebagai iabdah apalagi di zaman materialisme nuaeng.
6. Jotjot dang mandok mauliate hita di denggan basa naung tajalo ala marpangunsandean hita tu pingkiran dohot gogonta sandiri. Di gareja pe nga jumpa hita angka na mamereng talenta gabe hepeng, dang pelayanan be. Ido asa hea didok sahalak naposo parende pub, boasa ingkon bayaron asa olo organis manang song leader? Ba nanggo tu cafe ibana marende songon au molo ingkon bayaraon, ninna. Alani aha? Ala dirimpu hamaloonna i sian dirina.
7. Tingki huajari angka dakdanakon marlange, dang olo nasida paluahon tanganna sian ahu, gomos jala torus ditiop, nang nga hulean pelampung pangkeonna, dang porsea ibana, ala tergantung ibana tu pangatusionna, bahwa dia tidak bisa, dan itu membuatnya akan tenggelam. Dang disadari ibana, na holong rohangku tu ibana, jala dang mungkin pasombuonku ibana maup. Dung pe hupalua tanganna sian bahungku, jala terapung ibana, asa olo mengkel. Dang diyakini ise na manghaholongi ibana, ala pingkiranna dihaposi.
8. Hita pe jotjot dang yakin tu holong ni roha ni Tuhan i tu hita, ala sai tapingkiri Tuhan i songon hita. Alani taingot ma, tung tangkas do asi ni roha ni Jahowa mangaramoti, mamasumasu hita jala mangalehon bisuk di hita melewati tahun 2010 na salpu, Ibana do paluahon hita jala manondangi dalanta, unang ma dirinta tahaposi, Tuhan i, ai Ibana siboan haluaon i na manariparhon hita mandalani taon 2011 na so haantusan hita dope rumangna. Pos ma rohanta tu Tuhan i, ala dao humolong rohaNa tu hita, sian hita manghaholongi dirinta.
9. Molo sai tapangke pingkiranta, olo do gabe loja hita di ngolu on. Adong hea cerita ni sahalak na mardalan tingki borngin. Golap, dang adong nanggo saotik cahaya. Lunsur ma patna, jala gaung di dangka ni hau. Martangiang ibana, mangido pangurupion asa dipalua. Tingki martangian dope, dibege ibana ma adong soara mandok, ‘timbunghon ma...timbunghon ma...’ alai dang yakin ibana tu suara i, dang olo ibana manimbung. Jadi saborngin i, gaung-ganung ma ibana di dangka ni hau i. Dung manogot na, nga binsar mata ni ari, di ida ma tu toru, hape holan satonga meter do patna na gaung i di atas ni tano.
10. Ima molo sai tapangke pingkiranta, dang tangi hita di soara ni tondi i, boi ma hita gaung-gaung dang jelas pardalananta. Alani, tung diantusi parpoda do situasi ni ngolu ni jolma na sai olo marhaposan tu pingkiranna, gabe dipodahon ma, unang marpangusandean, unang marhaposan tu pingkiranta sandiri hita.
11. Taida ma si Abraham na satia jala marhaposan tu sangkap ni Jahowa, ngoluna torus tigor, ala ditanda Tuhan di nasa dalanna, dang dirina, pingkiranna di pangke. Dipangido si Ishak gabe pelean situtungon, dang manjua ibana, tu sangkap ni jahowa, jala dipalua Debata do si Ishak, ala porsea si Abraham tu Ibana. Tangkas do ditanda Abraham Debata, na denggan di jolma do dipatupa. Ido asa, Ganup halak na marpangunsandean tu dirina, boi dang jelas arahna, alai na manghaposi Jahowa, di nasa dalanna, Ibana ma patigoronna ma dalanna.
12. Songoni ma hita na laho mandalani taon 2011 on, boi masa naso haantusan hita. Sahit, persaingan dohot lan angka na asing. Godang halak na lam stress ala so mampu mangadopi angka galumbang ni ngolu, alai halak na marhaposan tu Jahowa, na mananda Ibana di sude dalanna, paluaonna do Ibana, jala patigor angka dalanna.
13. Halak na porsea mardalan doi secara pasti ala Jahowa patigor langkana. Tuhan merancang masa depan na denggan di angka na manghaposi Ibana (Jes 29,11).
14. Porsea ma hita tu Ibana, tapasahat dirinta jala marsigantung tu Ibana ma hita, ai satia jala haposan do Ibana mamboan hangoluan na saleleng ni lelengna tu hita na tinompaNa Amin.
Tidak ada komentar:
Posting Komentar