Josua 1,8

"Unang meret Patik ni Debata sian Pamanganmu'
1. Manghamauliatehon denggan basa dohot pangaramotion ni Jahowa I do bagian ni karakter ni halak na porsea. Jadi molo marpungu hita dison, marbona taon, manghamauliatehon pandonganion ni Tuhan manipat sataon bolon na salpu bolas hita tu taon na imbaru on, I ma tanda ni haporseaonta tu Debata, jala pangokuonta, holan asi ni rohaNa sambing do pangurupi di ngolunta.
2. Pesta taon baru pesta na balga do on di portibi on, ala adong harapan di roha ni jolma terjadi pembaharuan, terjadi kegembiraan di tahun na baru. Di New york, molo tingki pertukaran tahun masa do disi pelepasan kembang api. di tengah udara dingin, marribu halak jongjong di Times Square, New York. Ndang adong pertandingan olahraga manang konser musik, holan . kembang api raksasa na sejauh lima meter di atas sebuah bangunan. Beberapa detik, dang tarida be apina, dang adong hal na istimewa, alai dihalojahon jolma do marsompit-somppit, melewati jalan macet asa boi mamereng peristiwa sekejab i. Alani aha? Ala dihirim ro haimbaruon songon sinondang na berkilau sial kembang api raksasa i.
3. Molo di taon baru ni Cina, biasana, dibagi-bagi na untua ma angpau (amplop kecil berwarna merah berisi uang) tu sundut na umposo. Tingki dilean natoras angpau on, manghirim jala martangiang do natoras, asa makmur jala sukses angka ianakhonna. Alai panghirimon dang cukup holan di tangian, dipaingot ma angka anakhonna asa ringgas marsingkola, ai parsingkolaan do dalan mandapot hasukseson. Ido asa didok Nomensen tu halak Batak: naeng mamora ho, tuhori parbinotoan!
4. Tama do nang hit ape manghirim angka na denggan di taon 2011 on jaloonta sian Tuhan I, songon na nihirim ni bangso di portibi on molo marganti taon, marganti ma nang parngoluon tu na lam denggan. Ido tangiang nang jamita na tabege, asa adong hamubaon tu na dumenggan di hita di parganti ni taon. Alai molo masa na bernit, na maol di luar ni pingkiranta, tontu dang pola humordit hita disi, dang gabe tahutan hita, ai didok Debata do tu si Josua, adorang so ay 8 on, asa unang mabiar mandalani dalan sidalanan, ala Debata do mandongani, mamargogoihon dohot na papir tondina.
5. Olo do tahirim sehat, hape sahit na ro. Minggu na salpu ido didok sahalak ina, huparade do denggan persiapan natalnami, bahkan hadiah natal untuk saudara-saudara, lean ku topet di tanggal 25 I, hape tgl 23, hagoran bagasnami on.
6. Hea do didok Bishop J.C. Ryle di renungan tahun baru, didok: rade do hita molo sega usahanta di taon on. Molo marsahit hita, molo adong na monding sian na tahaholongi, molo gabe dang songon na tahirimi anakhonta?
7. Di Josua 1, 8 didok Debata do tu si Josua, maruntung ho di angka dalanmu, jala marmulia parulaonmu molo so meret patik ni jahowa sian pamangan nasida. Paruntungan terjadi tingki dihaburjuhon nasida mangulahon patik i.
8. Tahirim do na denggan masa di taon 2011, pemulihan perekonomian mikro, Sae ma angka bencana di Negara on, dao ma angka sahit sian pamatang, din a lam bahat sahit na so haantusan ala ni kotor ni udara dohot makanan na so sehat, songoni nang partondion ala ni godang ni ancaman, bujukan dohot tahitahi ni portibi na mambahen hita gabe lalap so mangoloi patik ni Debata.
9. Aha do na bolas mamboan paruntungan di hita di ragam ni ancaman na taadopi? Holan pangoloion, haunduhon di patik ni Debata, asa unang manimbil tu siamun manang tu habirang, alai memfokuskan pandang tu silang ni Jesus, mangikuton bogas ni pat ni Jesus. Dang dirina be dipangeahon.
10. Jadi dipaborhat ma hita di partingkian on tu taon 2011, taon jobel di HKBP, tahun pembebasan, asa malua angka na ginosa-gosa, malua ruas nang parhaladona sian ‘perbudakan’ kuasa, jabatan, hepeng nang egoisme. Dohot ma hita marolopolop rap dohot sude bangso ala naung ditobus hita sian hamatean, diboan tu hatiuron gabe sinondang ma hita tu humaliang paluanhon angka na ginosagosa. (Luk 4,18).
11. Halak na porsea di partikian on naeng mangolu hombar tu lomo ni roha ni Debata asa dapotan paruntungan di pardalananna. Songon si Josua na maniop padan ni Debata gabe maruntung ibana masuk tu kanaan, tano na binaga-bagahon ni Jahowa tu ompunasida.
12. Di ay. 8 on didok do : ‘sai pingkirpingkiri ma i arian dohot borngin,’ “renungkanlah itu siang dan malam”. Di Hata Heber didok Hàgâ; “mengulang-ulang dengan suara pelan.” LXX memake hata meletâó, na marlapatan suatu tindakan merenungkan sambil bermeditasi dan latihan yang bisa didengar dari para orator. Habaranion, panghirimon dapotan hamonangan dohot bisuk ni si Josua laho masuk tu tano Kanaan terletak di hasatiaonna na torus mamingkiri, mangulahon jala manghajongjongkon patik ni Debata. (tôrã, “perintah, pengajaran”).
13. Boha pe maol ni dalan na taadopi, molo nunga Debata mandongani hita margogo do hita manalpuhon I asal ma hot haporseaonta tu Jesus Kristus, satia hita mangulahon patikNa, amen.